“Klimahaus Bremerhaven 8° East” претставува научна изложбена сала во Бремерхафен– Германија. Се наоѓа во стариото пристаниште и е дел од Хавенвелтен. Формата наликува на брод. Нејзините четири изложбени области опфаќаат околу 18800m².Зградата со должина 125m и ширина од 82m е составена од два составни делови. Тешката челична конструкција со тежина од 1200 тони се поистоветува со големината на елементите од бродоградба. Klimahaus претставува зграда која нуди уникатно искуство.

“Landesmesse” во Штутгарт–Германија било најголемо градилиште во Европа во времето на неговата изградба. Тој претставува архитектонски и функционално оправдан центар на уметничка изложба. Изложбениот простор со вкупна површина од 100000m² е лоциран во близина на аеродромот во Штутгарт и се состои од седум изложбени сали со 10500m²изложбен простор и дополнителна висока изложбена сала со околу 26800m² изложбен простор. Повеќе од 65000t челична конструкција биле употребена при изградбата.

Постојаната зграда е армирано-бетонска конструкција дизајнирана во 1997год. која се состои од подрум, приземје и два горни ката. Со реконструкција во 2013год. додадени се лифтовски окна, скалишни јадра и вентилациски јадра. Нето-површината на постојните нивоа е2076.36m². Во надградбата бил додаден уште еден кат во челичната конструкција. Надградбата е извршена со целосно демонтирање на кровот и кровната конструкција. Површината на додадениот кат изнесува 494.86m².

Овој објект е изграден за потребите на Пивара Скопје. Претставува челична конструкцијасоставена од челични греди, столбови, рожници, распонки и спрегови. Објектот е со габаритни димензии, во x-правец 23.8m=7×3.4m, а во y-правец 24.5m=7×3.5m. Понискиот дел на конструкцијата, делот без кула изнесува H₁=8m, a повисокиот дел има висина од H₂ = 13.8m. Вертикалната комуникација е решена со двокраки скали, кружни скали и лифт од челични профили. Врските на објектот се заварени.

“БАУМЕР” е објект кој се состои од една целина во основа и административен дел кој е во склоп на производниот дел. Производниот погон е со распон од 40m и слободна висина од 4.5m. Административниот дел е на исто ниво со производниот погон. На едната калканска страна се наоѓа конструкција за настрешница со должина од 27mи ширина од 4.4m. Во поглед на конструктивниот систем објектот е предвиден од челична конструкција од топловалани профили. Кровната рамнина на објектот е предвидена на две води со слеме во средина на објектот и се протега по должина на објектот.Искористени се 194 тони челична конструкција.